讀書筆記：《販賣懷疑的人》

《販賣懷疑的人：從吸菸、DDT到全球暖化，一小群科學家如何掩蓋真相》
作者：Naomi Oreskes、Erik M. Conway，譯者：林俊宏

呢本都幾出名（無睇過都聽過），講一班保守派科學家（主要係物理學家）點樣掛住科學家個名販賣懷疑，質疑真正嘅（公共衛生、醫學、環境科學）專家，維護煙草商、石油公司嘅利益。手段都好類似，就係話無足夠證據，甚至老作證據，又喺報刊係咁寫文，或者自己搞研討會發表論文（當然係無peer-review）然後造成「仲有爭議」嘅假象。

近年講資訊戰時，好多人都提到假消息重點唔係要你信，而係要混淆視聽，令人覺得仲有爭議，或者唔知信邊個好，個手段都係類似。