4 min read

美國總統選舉各州投票數據整理

手痕整咗個表。
美國總統選舉各州投票數據整理
2020 U.S. Presidential Election Voting Record by States
Sheet1 State,<a href=“https://www2.census.gov/programs-surveys/popest/datasets/2010-2020/national/totals/nst-est2020.csv”>Popupation (2020 Estimate)</a>,<a href=“https://www2.census.gov/programs-surveys/popest/datasets/2010-2020/national/totals/sc-est2020-18+pop-res.csv”>Vote-Age Population (201…

手痕整咗上面個表,全部自行Google搵返美國人口普查局同各州官方選舉網站嘅數據,有美國各州人口、18歲以上人口、選民登記數字、投票人數、Trump同埋拜登得票,整完之後同《維基百科》個表對返最後兩項一次確保無錯(我原本有兩個州結果唔係最update,一個州打錯數)。

睇返edit history用咗最少四個幾鐘(本來想喺陶傑嗰篇用呢個表,但見太花時間整咗十零個州就停手,用U.S. Election Project同《維基百科》個表),不過都想睇下同埋確保無錯所以整埋佢,反正之後可能有用。

有幾點想講︰

  1. 各州人口同voting age population係用人口普查局用2010年數據去推算嘅2019年數字,所以只可以用作參考(U.S. Election Project用2018同2019年數據interpolate咗2020年11月數據,應該比較好)。
  2. Voting-age population係大過voting-eligible population,後者應該唔係個個州有提供(無特別去搵),U.S. Election Project就搵返相關數據(幾多人入獄、幾多係外國公民 etc.)去估。
  3. Registered voters方面,有啲州提供active voters數據,有啲無講清楚所以唔肯定。咁睇有四個州註冊選民多過18歲以上人口,但正如上面所講,18歲以上人口數字唔update,最好等出2020人口普查數據再比較,而且四個州都應該唔係active voters。有法律規定唔可以即刻刪除inactive voters,但唔代表呢啲inactive voters可以就咁去投票(例如要補返住址證明,因為可能搬咗去第二個州)。其中密芝根嘅active voters人數係少過voting age population(特別攞嚟講係因為fact-check過)。而呢四個州入面,Trump同拜登各贏兩州。
  4. 投票人數我主要係跟turnout rate條數,所以一般會多過投美國總統嘅數字(有個別州份搵唔到,就用總統選舉嘅數據)。U.S. Election Project就主要用總統選舉票數,但有兩個州因為參議員選舉多人投啲就用咗後者;《維基百科》就純用美國總統選舉嘅總票數(但有啲州無提供,只可以將所有候選人得票加埋,無得計廢票白票)。
  5. 傳說中嘅投票人數多過註冊選民的確有出現,不過係喺Trump得票率最高、人口最少嘅懷俄明州,州政府文件註明咁係因為容許投票日即場登記同投票(有啲州都係,會分開列出當日登記嘅數字,懷俄明州似乎無),而且睇返條數,自2000年起每次大選都超過100%投票率——不過呢個係相對於選民人數,如果用18歲以上人口去計嘅投票率就大約6成左右。

P.S.其實唔知點解咁多大選舞弊指控都係關啲票數事,如果傳說中嘅deep state真係做票咁勁,又會做到你簡單計兩計都可以發現嘅錯?

(原刊於Medium