讀書筆記︰「科學的思考」九堂課
《「科學的思考」九堂課:學校不教的科學》,戸田山和久著、林宗德譯。
![](https://kayue.xyz/content/images/2024/07/9_lessons_cover-1.jpg)
《「科學的思考」九堂課:學校不教的科學》
戸田山和久著、林宗德譯
作者本身做科學哲學,所以呢本算係介紹科學嘅書同好多科普書有分別。例如作者一開始就介紹兩種詞彙,一係「科學使用的詞彙」(作者用語),例如「病毒」、「DNA」等等,但佢呢本書係想讀者掌握一啲「討論科學的詞彙」,例如「理論」、「假說」之類。佢稱後者為「後設科學的概念」,但我覺得呢個叫法唔係太準確,呢兩組詞彙嘅分別,大概係一組屬於個別科學理論嘅對象,而另一組係大部分(if not all)科學理論會用到嘅概念(不過都唔完全係咁分)。
以簡介科學嘅書嚟講,似乎都幾少有討論咁多科學哲學嘅內容,不過作者應該唔係當成科學哲學入門咁寫,而係希望讀者掌握呢啲概念可以更準確咁去思考同科學相關嘅問題。